АҚШнинг собиқ президенти Доналд Трамп Американинг амалдаги раҳбари Жо Байден «коррупцияга ботган, қобилиятсиз золим ва мамлакат тарихидаги энг ёмон президент» эканлигини айтди. 

«Мен сиз билан бу мамлакатда чап қанот фашизмнинг кучайиши ва Оқ уйдаги бузуқ ва қобилиятсиз золим – Қўшма Штатлар тарихидаги энг ёмон президент бўлган Жо Байденни мағлуб этиш зарурлиги ҳақида гаплашиш учун келдим», деди Трамп Вашингтондаги Либертарлар партиясининг миллий қурултойида.

У Байденни Қўшма Штатларни «сўз эркинлиги ҳурмат қилинмайдиган» мамлакатга айлантирганликда айблади.

Трамп Оқ уйнинг амалдаги раҳбари ҳукмронлигини золим деб атади ва унинг рақибини мамлакатдаги инфляциянинг юқори даражасида ҳам айбдор деб топди.

«Бизнинг ишончимиз комилки, мамлакатимиз учун энг жиддий хавф хориждаги душманлардан эмас, балки ҳуқуқ ва эркинликларимизни ичкаридан поймол қилаётган золимлар, коммунистлар, фашистлар ва бандитлардан келади», — деди Республикачилар партияси етакчиси.

24 май куни Трамп Байден президентлиги даврида Қўшма Штатлар жаҳон саҳнасида ҳурматини йўқотганини айтганди.