АҚШ президенти Доналд Трамп 2026 йилда БМТ органларига, жумладан, ЖССТ ва ЮНЕСКОга тўланадиган бадалларнинг катта қисмини тўхтатишни таклиф қилмоқда. 

 “Бюджетда БМТ ва бошқа тинчликпарварлик миссияларнинг самарасиз бўлиши учун маблағ ажратилмайди”, — дейилади ҳужжатда. Бу БМТ, ЮНЕСКО ва ЖССТга мажбурий ва барча ихтиёрий бадалларни ўз ичига олади. 

Тушунтириш хатида айтилишича, Қўшма Штатлар илгари халқаро тинчликпарвар операцияларга катта ҳисса қўшган, аммо бу энди мамлакат манфаатларига тўғри келмайди. Бюджет харажатларини қисқартиришнинг умумий миқдори 1 миллиард 614 миллион долларни ташкил этади. 

Феврал ойида Доналд Трамп АҚШ иштирокини қайта баҳолаш бўйича фармонни имзолади. У, шунингдек, Бирлашган Миллатлар Ташкилотининг Яқин Шарқдаги Фаластинлик Қочқинларга ёрдам ва Ишлар Агентлиги (UNWPA)ни молиялаштиришни бутунлай тўхтатиш ва Қўшма Штатларнинг ушбу ташкилот ва БМТ Инсон Ҳуқуқлари Кенгашидан чиқиши ҳақидаги фармонни имзолади.

 Трампнинг айтишича, гуруҳлар Америкага қарши кайфият ва “Исроилга қарши тарафкашлик”ни тарқатмоқда.