АҚШ президенти Доналд Трамп Европа Иттифоқини Хитой ва Ҳиндистондан келадиган товарларга 100 фоиз бож тўловлари жорий этишга чақирди.

Бу қадам Россияга иқтисодий босимни кучайтириш ва уни Украинани урушни тўхтатишга мажбур қилиш мақсадида таклиф қилинган.

Financial Timesнинг ёзишича, Трамп бу талабни Вашингтонда бўлиб ўтган АҚШ ва ЕИ расмийлари учрашувида илгари сурган.

АҚШ расмийлари таъкидлашича, Вашингтон ЕИ қўйган божларни “бир хил чора билан жавоб қайтаришга” тайёр, яъни Хитой ва Ҳиндистонга нисбатан худди шундай божлар жорий қилади.

Божлар Россия нефтини сотиб олишни тўхтатиши учун сақланиб туриши мумкин.

Таклиф Оқ Уйнинг Украинадаги урушни тўхтатишдаги қийинчиликлар ва Россиянинг кучайган ҳаво ҳужумлари фонида билдирилган.

Сешанба куни Трамп журналистларга шу ёки кейинги ҳафтада Путин билан телефон орқали мулоқот қилишни режалаштираётганини айтди. Дам олиш кунлари Киевдаги Украина ҳукумати биносига Россия ракетаси келиб тушди, бу ҳужум Кремл томонидан тажовузкорлик кучайганидан далолат берувчи рамзий маъно сифатида кўрилмоқда.