Трамп Венесуэла билан «тарихдаги энг йирик нефт келишуви» тузилганини эълон қилди
АҚШ президенти Дональд Трамп Вашингтон Венесуэла билан «жаҳон тарихидаги энг йирик нефт келишуви»ни тузганини маълум қилди.
Унинг сўзларига кўра, келишув доирасида АҚШ Венесуэланинг 65 млрд баррелдан ортиқ тасдиқланган нефт захиралари устидан назорат олади. Трамп бунинг учун америкалик солиқ тўловчилар маблағи сарфланмаслигини таъкидлаган.
АҚШ давлат котиби Марко Рубиога кўра, келишув Венесуэлага қарийб 100 млрд доллар хусусий инвестиция жалб қилиш ва минглаб юқори маошли иш ўринлари яратиш имконини беради.
Трамп келишув АҚШнинг нефт захираларини икки баравардан кўпроқ ошириши, таъминотни кўпайтириши ва бензин нархларини пасайтиришга хизмат қилишини айтди.
Reuters маълумотига кўра, келишув АҚШнинг Венесуэла нефт саноатидаги ролини кескин оширади. Венесуэла дунёдаги энг йирик тасдиқланган нефт захираларига эга бўлса-да, ҳозир кунига тахминан 1,25 млн баррел нефт қазиб чиқармоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter