Туркия Маданият ва туризм вазири ўринбосари Батуҳан Мумжу, Туркияда ишлаб чиқарилган сериаллар Америкадан Россияга, Узоқ Шарқдан Лотин Америкасига қадар дунёнинг 170 дан ортиқ давлатида намойиш этилгани ва томошабинлар сони тахминан 750 миллион кишига етганини билдирди.

Турк сериаллари бутун дунёда томоша қилинаётганига диққат қаратган Мумжу: «Туркия сериал ва кино саноати экспорт бўйича дунёнинг биринчи 5 давлати орасида. Турк сериаллари сотилган ҳудудларда Туркия ва турк маданиятини танитиш нуқтаи назаридан катта таъсирга эгадир», — деди.

Мумжу пандемия даврижа кинотеатрлар узоқ вақт эшикларини ёпишга мажбур бўлганини ва бутун дунёда бўлгани каби Туркияда ҳам томошабинлар сонида катта пасайиш кузатилганини қайд этди.

«Ушбу жараёнда кинотеатрлар фаолиятини давом эттиришлари учун 32 миллион лиралик ёрдам бердик. Бундан ташқари, Ғазначилик ва Молия вазирлигимиз билан ҳамкорликда 10 фоизлик «Ўйин-кулгу солиғи»ни 0 фоизга туширдик ва шу билан 2023 йилда секторга 278 миллион лиралик ёрдам кўрсатдик», — деди у.

Кинотомошабинлар сонини ошириш учун қонунчиликка ўзгартириш киритилган ва иккита янги чегирмали чипта турлари жорий қилинган.

«Биз хусусий муассасаларга чегирмали чипталар харид қилишига йўл очдик. Ушбу тартиб 2024 йилда томошабинлар сонига катта ҳисса қўшишига ишонамиз. Кино соҳамиз бу йилни жуда яхши бошлади. Томошабинлар сони 2024 йилнинг февралида ўтган йилнинг шу даврига нисбатан 34 фоизга ошган. 2024 йилда томошабинлар сони 40 миллиондан ошади, бу ўтган йилга нисбатан 30 фоизга ўсиш деганидир», — таъкидлайди вазир ўринбосари.

Батуҳан Мумжу Туркияда хорижий фильмлар суратга олиш ишларига ҳам тўхталиб, мамлакатнинг бой тарихи ва табиий гўзалликлари билан табиий плато хусусиятига эга эканлигини қайд этди.

«Голливуд кўплаб фильмларини мамлакатимизда суратга олишни хоҳлайди. Умид қиламизки, келгуси даврда Туркия кўплаб киноасарларнинг суратга олинишига мезбонлик қилади» - дея сўзини якунланган у.