Ветнамдаги даҳшатли тўфонда 12 қурбон бўлди
VnExpress маҳаллий нашрига кўра, Ветнамда “Буалой” тўфони 12 кишининг ҳаётига зомин бўлди, яна 17 киши бедарак йўқолди.
Энг кўп қурбонлар шимолий Нин Бин провинциясида қайд этилган. У ерда бўрон торнадони келтириб чиқарди ва олти киши ҳалок бўлди. Бак Гианг провинциясида иккита балиқ овлаш кемасининг экипаж аъзолари бедарак йўқолган. Денгизга чиққан 13 кишидан фақат тўрттаси қирғоққа сузиб қайтган.
Шунингдек, Тханхоа, Хюе ва Да Нанг провинцияларида қурбонлар борлиги ҳақида хабар берилган.
Хитойнинг South China Morning Post нашрига кўра, Ветнам ҳукумати бўрон олдидан 28,5 мингдан ортиқ одамни эвакуация қилган.
"Буалой" Ветнамга Филиппиндан келган, у ерда 24 киши ҳалок бўлган. Тайфунда максимал барқарор шамол тезлиги 32,5 м/с га етди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter