Тошкентда ёнғин. Тўрт киши куйиш жароҳати олди, уч киши қутқарилди
2018 йил, 22 июнь куни таҳминан соат 19.51да Тошкент шаҳар ИИББ ЙХБга Миробод тумани Алиев кўчасида жойлашган кўп қаватли уйнинг иккита хонадонида ёнғин содир бўлгани ҳақида хабар келиб тушди, деб хабар берди Тошкент шаҳар ИИББ Ахборот мультимедиа маркази.
Ёнғин 3-қаватдаги хонадонда келиб чиққан ва дастлабки тахминга кўра, бунга газ плитасида ёғ қиздиралаётган қозоннинг қаровсиз қолдирилгани сабаб бўлган. Оловни мустақил ўчириш вақтида хонадоннинг 4 нафар аъзоси куйиш жароҳатини олган ва шифохонага ётқизилган.
Аланга юқори қаватнинг балконига ўтган. Ушбу хонадондан 3 киши ўт ўчирувчилар томонидан қутқариб олинган.
Соат 20.13да тезкор ҳаракатлар натижасида ёнғин тўлиқ бартараф этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter