Давлат хизматлари агентлиги ҳудудий бошқармалари томонидан жорий йилнинг январь-июнь ойларида жами 9 829 та қонунбузилиш аниқланди. Бу ҳақда «Xabar.uz»га ДХА Жамоатчилик ва оммавий ахборот воситалари билан алоқалар бўлими хабар берди.

Қонунбузилишлар аксарият ҳолларда муддатларни бузиш, ортиқча ҳужжатлар талаб қилиш, тўғридан-тўғри хизмат кўрсатиш, асоссиз рад этишда намоён бўлган.

Қонунбузилишларнинг 5 705 таси ҳокимликлар томонидан, 776 таси муҳандислик тармоқларига улашда, 538 таси қурилиш ва 47 таси кадастр билан боғлиқ хизматларни кўрсатишда йўл қўйилган.

Аниқланган қонун бузилиши ҳолатлари юзасидан 4 мингга яқин таъсир чоралари кўрилган. Кўрилган чоралар натижасида 183 нафар шахс интизомий жавобгарликка тортилган, 30 нафар шахс вазифасидан озод этилган, 155 нафар шахс маъмурий жавобгарликка тортилган.