Ўзбекистон миллий терма жамоасини жаҳон чемпионатига кузатиш тадбири муносабати билан айрим кўчаларда вақти-вақти билан ҳаракат чекланиши мумкин. Бу ҳақда пойтахт ҳокимлиги хабар берди. 

Ушбу тадбир сабаб 22 май соат 16:00 дан 21:00 гача Тошкент шаҳрининг қатор кўчаларида вақти-вақти билан транспорт воситалари ҳаракати вақтинча чекланади. 

Тадбир давомида қуйидаги йўналишларда ҳаракат вақти-вақти билан чекланиши мумкин: 

-Чилонзор–Чўпонота кўчалари чорраҳасидан Чўпонота кўчаси бўйлаб Қатортол–Чўпонота кўчалари чорраҳасигача; 

-КХАЙ–Чилонзор кўчалари чорраҳасидан Чилонзор кўчаси бўйлаб Чилонзор–Чўпонота кўчалари чорраҳасигача; 

-КХАЙ–Бунёдкор кўчалари чорраҳасидан Бунёдкор иккинчи даражали йўли бўйлаб Бунёдкор–Чўпонота кўчалари чорраҳасигача. 

-Нурафшон–Себзор кўчалари чорраҳасидан Себзор кўчаси бўйлаб Ислом Каримов–Бунёдкор кўчалари чорраҳасигача; 

-Ислом Каримов–Бунёдкор кўчалари чорраҳасидан Бунёдкор кўчаси бўйлаб Бунёдкор–Иккинчи Қатортол кўчалари чорраҳасигача. 

Ҳайдовчилардан олдиндан муқобил йўналишларни режалаштиришларини сўралади.