Жиззахда бугун, 26 сентябрь куни «ICTEXPO 2018» минтақавий кўргазмаси очилди. «ICTEXPO 2018» минтақавий кўргазмаси 26-27 сентябрь кунлари Жиззах олимпия резервлари ихтисослаштирилган мактаб-интернатида бўлиб ўтади.

Кўргазмани Жиззах вилояти ҳокимининг биринчи ўринбосари Ғанишер Маматқулов очиб, замонавий ахборот технологияларидан унумли фойдаланиш, ҳаётга янги технологиялари изчиллик билан татбиқ этиш борасида вилоятда олиб борилаётган ишларга тўхталди. У «Жиззах вилояти: Инновациялар, Инвестициялар, Ахборотлаштириш» форуми вилоятда илк маротаба ўтказилганини алоҳида таъкидлади.

«ICTEXPO 2018» минтақавий кўргазмаси 500 квадрат метр майдонни банд этиб, унда Жиззах, Самарқанд, Сирдарё вилоятлари ва Тошкент шаҳрининг 35 та ахборот технологиялари компанияси қатнашди.

Минтақавий кўргазма қуйидаги йўналишларни қамраб олди:

• Телекоммуникациялар;
• Электрон ҳукумат;
• Хавфсиз шаҳар;
• Интернет технологиялари;
• «Жиззах» ЭИЗ, Жиззах вилояти КСЗ;
• Турли соҳаларни ахборотлаштириш (тиббиёт, таълим ва бошқалар).
• Мобил ечимлар;
• Кичик бизнес учун IT-ечимлар.

Тошкентда бўлиб ўтаётган «DIGITAL UZBEKISTAN» форуми Жиззах минтақавий кўргазмасига келувчилар учун катта экранда тўғридан-тўғри намойиш этилди.