Онлайн-мулоқот: Нотариат соҳасида қизиқтирган саволларингизни йўлланг!
Эртага, 6 июнь куни Адлия вазирлиги мутахассислари кун давомида онлайн тарзда ёки электрон почта орқали аҳолининг нотариат соҳасида қизиқтирган саволларига жавоб беради. Бу ҳақда Адлия вазирлигининг «Ҳуқуқий ахборот» канали маълум қилди.
Нотариат соҳасидаги саволларни бугун, 5 июнь куни соат 18:00 дан бошлаб телеграмдаги @notariusgasavolbot орқали йўллаш мумкин.
Саволлар 80 та сўздан ошмаслиги, айнан нотариат соҳасига оид (битимларни расмийлаштириш, давлат божлари ва ҳ.к) бўлиши лозим. Талабларга жавоб бермайдиган саволлар кўриб чиқилмайди.
6 июнь соат 15:00 да Адлия вазири ўринбосари Акбар Тошқулов «Адлия билан мулоқот/Диалог с юстицией» саҳифаси орқали онлайн-мулоқотга чиқиб, фойдаланувчиларнинг саволларига жавоб беради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter