«Ўзбектелеком» АК «ТШТТ» филиали ташаббуси билан янги акцияга қўл урилгани ҳақида аввал ҳам хабар бергандик. Ушбу акция доирасида сайёр гуруҳ тузилиб, бир маҳалла хонадонлари телефония, IPTV ва юқори тезликдаги интернет хизматларига бир кун ичида уланиши таъминланади.

Худди шундай тадбир Тошкент шаҳри, Яшнобод тумани Олмос маҳалласидан ҳам ўтказилди. Тадбир тафсилотлари билан қуйидаги видеода танишишингиз мумкин.

— Акция доирасида абонентлик қурилмаларига 90-95 фоизлик чегирмалар эълон қилинган, — дейди «Ўзбектелеком» АК «ТШТТ» филиали Яшнобод ТБ бошлиғи Зиёвуддин Саидазимов. — Олмос маҳалласи аҳолиси бу акциядан мамнун, кўриб турганингиздек, интернет хизматларига уланиш истагидаги талабгорлар жуда кўп. Ушбу маҳалладаги янги кўп қаватли уйларга оптик толали кабеллар ўтказилган ва бу мижозларимизга 10 МБдан юқори тезликдаги интернетни тақдим этиш имконини беради.

Қайд этилишича, одатда салкам 10 кун давомида амалга ошириладиган жараён акция доирасида бир кунда бажарилмоқда.