Салоҳ жаҳон чемпионати стартини ўтказиб юборади
Европа чемпионлар лигаси финалида жароҳат олган Миср терма жамоаси ва «Ливерпуль» клуби ҳужумчиси Муҳаммад Салоҳ Россияда бўлиб ўтадиган жаҳон чемпионати гуруҳ босқичининг дастлабки ўйинини ўтказиб юбориши мумкин.
Миср терма жамоаси мусобақани 15 июнь куни Уругвай терма жамоасига қарши ўйин билан бошлайди. «Al-Youm Al-Sabia» нашрида ёзилишича, Салоҳ ушбу ўйинда майдонга туша олмайди.
Терма жамоа шифокорлари Салоҳни мусобақада иштирок этишига қатъий ишонч билдирган бўлса-да, елкадаги жароҳат гуруҳдаги биринчи ўйинга қадар бутунлай тузалмаслиги мумкин. Мисрлик юлдуз айни пайтда Испанияда даволанмоқда.
Мисрнинг гуруҳ босқичидаги ўйинларига Екатеринбург шаҳри мезбонлик қилади. Салоҳ 19 июнда ўтказиладиган Россия ҳамда 25 июнда бўладиган Саудия Арабистони терма жамоаларига қарши ўйинларда майдонга тушиши деярли аниқ бўлиб улгурган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter