«У ерда акулага дуч келишимизни кутмагандик...»
Австралиялик олимлар илк бор Антарктида сувларида ҳам акулалар яшашини аниқлашди. Associated Press хабар беришича, тадқиқот қурилмасига ўрнатилган камера Жанубий Шетланд ороллари яқинида, тахминан 490 метр чуқурликда акулани қайд этган.
«Биз у ерда акулага дуч келишимизни умуман кутмаган эдик, чунки Антарктидада акулалар бўлмайди, деган умумий қоида бор. Бунинг устига, у кичкина эмас, балки жуда улкан акула. Бу мавжудотлар ҳақиқий танкларнинг ўзгинаси», — деди тадқиқотчи Алан Жеймисон.
Узунлиги 3-4 метр келадиган акула 2025 йилнинг январида камерага тушиб қолган, бироқ бу маълумотлар энди жамоатчиликка эълон қилинмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter