Жорий йилнинг 11 июль куни акциядорлик тижорат Халқ банки мижозларининг бизнес лойиҳаларини халқаро молия институтлари маблағлари ҳисобидан молиялаштириш мақсадида Германиянинг «Berliner Sparkasse - Branch of Landesbank Berlin AG» банки вакиллари билан келишув имзолаш олди учрашуви ўтказилди.

Учрашувда бугунги кунда банк томонидан Германия давлатидан наслли қорамоллар шунингдек, импорт ўрнини босувчи ва экспортбоп сут ва гўшт маҳсулотларини ишлаб чиқариш ускуналари сотиб олиш билан боғлиқ лойиҳаларни хорижий валютада молиялаштириш ва тадбиркорларни молиявий қўллаб қувватлаш борасида қилинаётган ишлар алоҳида таъкидланди.

Музокаралар давомидареспубликамизда озиқ-овқат ва ноозиқовқат саноати ҳамда чорвачилик соҳасини ривожлантириш мақсадида «0Berliner Sparkasse - Branch of Landesbank Berlin AG» банкининг хорижий кредит линиясини жалб қилиш ва Халқ банкининг мухбирликҳисоб рақамини очиш юзасидан келишиб олинди.

Маълумот учун айтиб ўтиш лозимки, мазкур келишув жорий йилнинг  25 июль куни Германиянинг Берлин шаҳрида имзоланиши режалаштирилган. 

Банк ахборот хизмати