Беҳруз Каримов фаолиятини Швейцария клубида давом эттиради
Ўзбекистон миллий жамоаси ҳимоячиси Беҳруз Каримов «Сурхон»дан Швейцариянинг «Лугано» клубига ўтди. Бу ҳақда Ўзбекистон футбол ассоциацияси хабар берди.
У Ўзбекистон терма жамоаси таркибида жаҳон чемпионатида дебют қилиб, ўйинлари билан мухлислар ва мутахассислар эътиборини қозонган эди.
Беҳруз Каримов кеча 19 ёшга тўлди (2007 йил 7 августда туғилган). У футболчилик фаолиятини Odil Junior академиясида бошлаган, кейин «Олимпик» сафида ўйнаган. 2025 йил феврал ойида «Сурхон»га қўшилган эди.
«Лугано» клубига 1908 йилда асос солинган. Жамоа Швейцария чемпионатини уч марта, мамлакат кубогини эса тўрт марта қўлга киритган.
«Лугано» 2025/2026 йилги мавсумда миллий чемпионатни 4-ўринда якунлади ва янги мавсумда УЕФА Конференциялар лигасида иштирок этади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter