AQSh Fuqaro aviatsiyasi boshqarmasi (FAA) yangi buyruq chiqardi: unga ko‘ra, AQSh aviakompaniyalariga Eron havo kengliklarida parvoz qilish taqiqlandi.

#FAA issued #NOTAM warning pilots that flights are not permitted in the overwater area of the Tehran Flight Information Region until further notice, due to heightened military activities and increased political tensions. https://t.co/BQ2GOeFSEn pic.twitter.com/4t1OWEzkYZ

— The FAA (@FAANews) 21 iyunya 2019 g.

«FAA chiqargan buyruqqa ko‘ra, harbiy harakatlar va siyosiy ziddiyatlar kuchayib borayotgani uchun toki keyingi buyruqlar bo‘lmagunga qadar Tehronning suv usti kengliklarida parvoz qilishga ruxsat bo‘lmasligi haqida uchuvchilar ogohlantiriladi», — deyiladi «Tvitter»da joylangan xabarda.

Eslatib o‘tamiz, yaqinda Eron janubida AQShga qarashli uchuvchisiz boshqariluvchi qurilma urib tushirilgandi. Xabarlarga ko‘ra, shundan so‘ng hatto AQSh prezidenti Eron hududlarini o‘qqa tutishni ma’qullagan. Bunda radiolokatsion stansiya va raketa qurilmalariga zarba berish ko‘zda tutilgandi. Ammo keyinchalik Amerika rahbari qarorini bekor qilgan.