Italiyalik sanitar avtobus o‘rindiqlariga shprits ignalarini joylashtirdi
Italiyada ishxonadan shprits ignalarini olib ketib, ularni avtobus o‘rindiqlariga joylashtirgan Rim shifoxonasi xodimi bilan bog‘liq tergov ishlari boshlandi.
Ma’lumotlarga ko‘ra, dekabr oyida shahar tashqarisidagi marshrutlarning biridan yo‘lovchilar ogohlantiruvchi xabarlar jo‘natishgan. Har bir holatda yo‘lovchilar o‘rindig‘iga yaxshilab yashiringan tibbiyot ignalari topilgan.
Kameradagi yozuvlarni tahlil qilish natijasida bu ish Rimda joylashgan shifoxonalardan biridagi 58 yoshli sanitar tomonidan amalga oshirilgani ma’lum bo‘ldi.
Uning uyi va ishxonasida o‘tkazilgan qidiruvda hozirda infeksion tekshiruvga yuborilgan ko‘p miqdordagi shprits ignalari topilgan. Erkak hozir ozodlikda. U o‘z xatti-harakatlarini izohlay olmadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter