Kiprda ulkan tabiiy gaz koni topildi
«ExxonMobil» Kipr qirg‘oqbo‘yi hududida ulkan tabiiy gaz konini topdi. Bu haqda Amerika kompaniyasining matbuot xizmati xabar tarqatdi.
Gaz koni Kipr Respublikasi iqtisodiy zonasidagi o‘ninchi blok hududida aniqlangan. Zaxira hajmi 142 — 227 mlrd. kub metr atrofida baholanmoqda.
— Bu zaxiralar salohiyatini aniqlab olish uchun yaqin oylarda chuqur o‘rganishlar talab qilinadi, — deyiladi «ExxonMobil» bayonotida.
Agarda geologlarning hisob-kitoblari to‘g‘ri chiqsa, Kiprdagi kon kattaligi bo‘yicha dunyodagi uchinchi tabiiy gaz koniga aylanadi.
O‘ninchi blok hududi 2,6 ming kvadrat kilometrga teng. Bu yerda chuqurligi 4,2 ming metrli ikkita gaz qudug‘i qazilgan, hududda dengiz chuqurligi 2 ming metrdan oshadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter