Jeyms Kemeronning yangi «Terminator»i qanaqa bo‘ladi?
Barchaga yaxshi tanish bo‘lgan «Terminator»ning yangi versiyasini suratga olayotgan rejissyor Jeyms Kemeron robotlar va insonlar kurashi tasvirlanadigan mazkur film avvalgilaridan qanday farq qilishini so‘zladi. Bu haqda «Gazeta.Ru» xabar qilmoqda.
«Biz terminator haqidagi yangi film ustida ishlayapmiz. Terminator bilan bog‘liq filmlar doim sun’iy intellekt haqida hikoya qiladi. Lekin men hozir bu g‘oyani 1982-yilda avvalgi «Terminator»ni ishlagan paytimdan boshqacharoq ko‘rayapman. U paytda «texnologiyalar, aqlli kompyuterlar yomon» edi. Endi esa istiqbol ancha murakkablashgan. Shunday ekan, «aqlli kompyuterlar yomon, lekin...» motiv yangi», — dedi Kemeron.
Yangi «Terminator»ning premerasi 2019-yilning 22-noyabriga belgilangan. Unda terminator obrazini aktyor Gebriyel Luna gavdalantiradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter