Ikkinchi Jahon urushi boshida Germaniya armiyasining Fransiyaning Dyunkerk shahri yaqinidagi hujumini to‘xtatish to‘g‘risidagi qarori Adolf Hitlerning «halokatli xatosi» bo‘lgan.

Bu haqda tarixchi Jeyms Xollandga asoslanib Daily Express nashri xabar bermoqda. 

Mutaxassisning so‘zlariga ko‘ra, Vermaxt qo‘shinlari 1940 yil may oyida Fransiyadagi ittifoqchi kuchlarni o‘rab olishlari va urushni o‘z foydalariga hal etishlari mumkin edi. Biroq 24 may kuni Hitler Dyunkerk tomon yurgan tank bo‘linmalari komandirlariga yurishni to‘xtatishni buyurdi. Tarixchi fyurerning bunday harakatini «mutlaqo halokatli va potensial halokatli xato» deb atadi, bu unga Ikkinchi Jahon urushidagi g‘alabasiga putur yetkazgan. 

Frontda turgan ko‘plab nemis qo‘mondonlari fyurer buyrug‘idan norozi bo‘lgan, ammo itoat qilishga majbur bo‘lishgan. Keyinchalik nemis armiyasi qo‘mondonligi o‘z xatosini angladi va o‘sha yilning 26 may kuni kechqurun Hitler o‘z farmonini bekor qildi. Biroq, bu vaqtga kelib vaziyat tubdan o‘zgardi: ittifoqchi kuchlar evakuatsiyaga tayyorgarlik ko‘rishga muvaffaq bo‘lishdi,  mintaqadan 338 mingdan ortiq odamni olib chiqib ketildi.