Давлат департаменти Ўзбекистонда Қўшма Штатларга ноқонуний иммиграцияни ташкил қилаётган шахсларга виза чекловларини жорий қилди.

«Ушбу чекловлар асосан Қўшма Штатларга ноқонуний равишда иммиграция қилишни истаган чет элликларга атайлаб саёҳат хизматларини кўрсатган Ўзбекистонда жойлашган иккита визани қайта ишлаш компаниясининг раҳбарлари ва юқори лавозимли амалдорларига қаратилган», – дейилади баёнотда.

Ушбу чекловлар АҚШ Иммиграция ва фуқаролик тўғрисидаги қонунининг 212-бўлимига мувофиқ амалга оширилади. Бу қонун одатда АҚШга кириши ёки режалаштирилган фаолияти Қўшма Штатлар учун жиддий салбий ташқи сиёсат оқибатларига олиб келиши мумкин бўлган шахсларнинг Қўшма Штатларга киришини тақиқлайди. Терговларга кўра, Ўзбекистондаги шахслар аэропортлар ва чегаралар орқали Қўшма Штатларга ноқонуний равишда иммиграция қилишни истаган чет элликларни, шу жумладан вояга етмаганларни Марказий Америкадаги транзит пунктларига ташишни фаол равишда мувофиқлаштирган.

Давлат департаменти Ўзбекистон ҳукуматига Қўшма Штатларга ноқонуний иммиграцияни осонлаштираётган жиноий тармоқларни йўқ қилишдаги яқин ҳамкорлиги учун чуқур миннатдорчилик билдирган.