ИШИД раҳбари Бағдодий ўлдирилгани хабар қилинди
АҚШ ҳарбийлари махсус амалиёт ўтказгани ва ИШИД раҳбари Абу Бакр ал Бағдодий ўлдирилгани ҳақида Newsweek хабар бериб ўтди.
Хабарда айтилишича, АҚШ мудофаа вазири «қатъий ишонч» билан Оқ уйга берган маълумотга кўра Бағдодий махсус амалиёт натижасида йўқ қилинган. Айни вақтда ушбу хабарни тасдиқлаш борасида ишлар олиб борилмоқда.
Махсус амалиёт 26 октябрда ўтказилгани айтилмоқда. АҚШ президенти Доналд Трамп бир ҳафта муқаддам амалиётни ўтказишга рухсат берган.
Ушбу муносабат билан Доналд Трамп бугун кун давомида баёнот бериши кутилмоқда. Шу вақтга қадар Бағдодий ўлдирилгани ёки асирга олингани ҳақида бир неча бор хабарлар тарқатилган. Аммо улардан бирортаси тасдиқланмаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter