Панама канали бошқармаси (PCA) кучли қурғоқчилик туфайли сув саҳининг пастлиги сабабли транспорт ҳаракати чекловлари ҳақида огоҳлантирди.

AFP маълумотларига кўра, октябр ойида каналдан ўтадиган кемалар сони август ойига нисбатан 18 фоизга кам бўлади.

Панама канали глобал денгиз юк ташишларининг 5 фоизини ва АҚШ контейнер ташишларининг тахминан 40 фоизини ташкил қилади. Оддий шароитларда каналдан кунига 36-40 кема ўтади. Август ойида кунига 36 та, сентябрнинг биринчи ярмида 34 та ва иккинчи ярмида 32 та кема ўтди. Канал операторининг ҳужжатларига кўра, октябрь ойидан бошлаб каналдан ўтадиган кемаларнинг ўртача сони кунига 29,5 тани ташкил қилади. Август ойида каналдан ўтиш учун ўртача кутиш вақти ўн кунга етди, бу жорий йилнинг май ойидан бери энг узоқ вақт. Навбатни ўтказиб юбориш учун вақт сарфлаш нархи 4 миллион долларга етади.

Мутахассислар қурғоқчилик туфайли сувнинг камайиши ҳали тўхтамаганлиги, шунинг учун транспорт ҳаракати янада чекланиши мумкинлиги ҳақида огоҳлантирмоқда. БМТ маълумотларига кўра, минтақада кучли қурғоқчиликка сабаб бўлаётган Эл-Ниньо иқлим ҳодисасининг таъсири сентябрь ва декабрь oйлари орасида энг юқори чўққига чиқади.

Панама каналининг энг ёмон тирбандлиги 2023 йил охири ва 2024 йил бошида қайд этилган бўлиб, ўшанда кунига атиги 22 та кема сув йўлидан ўтишига рухсат берилган эди.