Трамп Ню-Йоркда Эрон президенти билан учрашмоқчилигини айтди
АҚШ президенти Дональд Трамп 22-28 сентябр кунлари Нью-Йоркда бўлиб ўтадиган БМТ Бош Ассамблеясида Эрон президенти Масъуд Пезешкиён билан учрашиши мумкинлигини айтди, деб хабар беради Fox News журналисти Трей Йингст.
«У Пезешкиён билан учрашиш имкониятига очиқ бўлишини айтди», деди журналист. Мазкур маълумот журналистнинг X ижтимоий тармоқ аккаунтида чоп этилди. Мухбир билан суҳбатда Америка президенти яқин келажакда АҚШ-Эрон можароси билан боғлиқ «жуда муҳим ўзгаришлар» юз беришини таъкидлади.
БМТ Бош Ассамблеясининг асосий дебатлари 22-26 сентябр кунлари бўлиб ўтади. Унда Доналд Трамп нутқ сўзлайди. АҚШнинг БМТдаги доимий вакили Майк Валтцнинг сўзларига кўра, Америка президенти «Эрон ҳеч қандай ҳолатда ядровий қуролга эга бўлмаслиги кераклиги ҳақида аниқ баёнот» беради.
Эрон томони эса музокараларни қайта бошлаш шартларини АҚШга етказганини ва Трампнинг жавобини кутаётганини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter