Японияда космосга учирилган ракета портлаб кетди (видео)
Японияда «Interstellar Technologies» компанияси яратган «MOMO» ракетасининг учирилиши муваффақиятсиз якунланди.
Ракета учирилгач бир неча сониядан сўнг портлаб кетган. Бошқарув масофавий амалга оширилгани сабабли компания ходимларидан ҳеч ким шикастланмаган. Томошабинлар учун ажратилган ҳудуд эса ярим километр узоқда бўлган.
«РИА Новости»нинг хабар қилишича, «Interstellar Technologies» президенти Такахиро Инагава лойиҳанинг муваффақиятсизлиги учун инвесторлардан узр сўради. Унинг айтишича, портлаш двигателдаги носозликлар сабабли рўй берган бўлиши мумкин.
Бу компаниянинг учувчи аппаратни космосга чиқариш бўйича иккинчи уриниши эди. Бундан ўн бир ой аввал Хоккайдо оролида ўтказилган синовда аппарат 20 километргача кўтарилиб, учиш жойидан 6,5 километр нарига, Тинч океанига қулаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter