Ўзбекистонда янги SUV JAC JS8 сотуви расман бошланди, у оилавий автомобиллар бозорида муҳим янгиликлардан бирига айланиши кутилмоқда. Модель замонавий дизайн, кенг салон, юқори технологиялар ва хавфсизлик тизимларининг кенг тўпламини мужассам этади ва бу сифатлар уни шаҳар ва шаҳар ташқарисидаги сафарлар учун энг мақбул танловга айлантиради.

JAC JS8 йўлда бошқа турдош автомобиллардан ажралиб туради: йирик хромланган панжара, кўркам LED-чироқлар ва панорамали люк замонавий ва мақомли кўринишни яратади, 19”гача бўлган алюминий дисклар эса автомобилнинг динамик феъл-атворини таъкидлайди.

Автомобил салони етти йўловчига мўлжалланган. Уч қатор ўриндиқ ва кенг юкхона JS8 автомобилини оилавий сафарлар ва фаол дам олиш учун қулай воситага айлантиради. Кабинани безатишда сифатли материаллардан фойдаланилган, ўриндиқларнинг чарм қопламаси премиум-тоифага мансублик ҳиссини уйғотади, Apple CarPlay ва Android Auto қўллаб-қувватлайдиган икки экранли мультимедиа тизими эса сафарни имкон қадар қулай қилади.

Автомобиль замонавий хавфсизлик тизимлари билан жиҳозланган: олтита ҳимоя ҳаво ёстиқчалар, шиналар босимини назорат қилиш, 360° кузатув камералари, кўринмас ҳудудларни мониторинг қилиш, фавқулодда тормозлаш тизими, қияликда ҳаракатланишга ёрдам бериш ҳамда ишончли ҳайдаш учун электрон ёрдамчиларнинг тўлиқ тўплами бор.

JS8 капоти остига — 182 от кучига эга 1,5 литрли турбомотор ўрнатилган, у 7 поғонали ДСТ узатмалар қутиси билан ишлайди, бу жиҳат динамика ва ёқилғи тежамкорлиги мувозанатини таъминлайди.

Ўзбекистон бозорида JAC JS8 автомобили расмий дилер орқали тўлиқ кафолат, хизмат кўрсатиш ва барча замонавий жиҳозлар билан тақдим этилмоқда. Мутахассислар фикрича, технологик имкониятлар, қулайлик ва хавфсизлик ечимларининг уйғунлиги JS8 автомобилини ҳамёнбоп нархдаги замонавий SUV излаган, оила аъзолари билан сафарга чиқувчи мижозлар учун жозибадор танловга айлантиради.

Ҳозирда JAC JS8 бутун мамлакат бўйлаб дилерлик салонларида сотувuа тақдим этилган ва дастлабки тест-драйвга тайёрдир.

Компания дилерлик марказлари ва расмий савдо майдончаларида харид қилиш шартлари билан танишиб чиқиш учун харидорларни таклиф этади.

Батафсил сайтда: jacmotors.uz

Instagram: jacmotorstoshkent

Телефон: +998555117770