Хабарлар тезкор Телеграм каналимизда Обуна бўлиш ×

Кўча безорилари: Берунийда аёллар бир неча бор калтакланди

Кўча безорилари: Берунийда аёллар бир неча бор калтакланди

Видеолавҳадан скриншот

22 январь куни «YouTube»даги «NUKUS ONLINE» канали орқали аёл кишининг бир гуруҳ шахслар томонидан калтаклангани ҳолати акс этган видео тарқалди. Ҳолат юзасидан ИИВ ҳузуридаги Тергов департаменти маълумот берди.

Қайд этилишича, 2020 йилнинг 16 декабрь куни соат 08:00 да Қорақалпоғистон Республикаси, Беруний тумани А.Қаҳҳор кўчасида яшовчи 25 ёшли Расул С. яқин қариндошлари билан бирга Беруний тумани «Бунёдкор» МФЙда 30 ёшли Венера М. ва 39 ёшли Насиба М.лар билан ўзаро жанжаллашиб қолиб, жанжал давомида Расул С. қўллари ва оёқлари билан Венера М. ва Насиба М.ларнинг боши ва танасининг турли жойларига уриб, қасддан баданига шикаст етказган.

Суд-тиббий экспертиза хулосасида, фуқаро Насиба М.га оғирлик даражаси бўйича «енгил» тан жароҳати етказилганлиги кўрсатилган.

Мазкур ҳолат юзасидан 30.12.2020 йилда Қорақалпоғистон Республикаси Беруний тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 109-моддаси 2-қисми (қасддан баданга енгил шикаст етказиш) билан жиноят иши қўзғатилган.

Бундан ташқари, Расул С. ўзининг жиноий ҳаракатларини давом эттириб, такроран 2021 йилнинг 11 январь куни соат 09:30 да Беруний тумани «Шаббоз» деҳқон бозори орқа кириш дарвозаси олдида, Венера М.ни бошининг тепа қисмига қўл ва оёқлари билан тепиб тан жароҳати етказган.

Шунингдек, Расул С. такроран ўзининг акаси Жанибек С. ва укалари Жасур С. ва Ислом С. ҳамда онаси Дилбар А., опаси Наргиза С.лар билан Беруний тумани, «Шаббоз» деҳқон бозори орқа кириш дарвозаси олдида Венера М. ва унинг опаси Насиба М. ҳамда Анора М.ларнинг бозордаги савдо растасида турган нарсаларини сочиб, столларини синдириб, бу ҳолатни видео тасвирга олиб турган видео камерасини таёқ билан синдириб, ўзгалар мулкига зарар етказган.

Дастлабки тергов жараёнида, жиноят иши 19.01.2021 йилда ЖКнинг 109-моддаси 2-қисмидан ЖКнинг 277-моддаси 3-қисми «а» бандига (безорилик) қайта малакаланиб, ҳозирда тергов ҳаракатлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг