Ўзбекистон ялпи ички маҳсулоти 35 йилда қарийб 5 баробарга ошди
Миллий статистика қўмитаси маълумотига кўра, 2025 йил якунларига бўйича Ўзбекистон ялпи ички маҳсулоти ҳажми жорий нархларда 1 квадриллион 849,7 триллион сўмни ташкил этган.
Қайд этилишича, ЯИМнинг реал ўсиш суръати 1991 йилга нисбатан 478,1 фоизни ташкил этган. Бу эса иқтисодиёт ҳажми қарийб 4,8 баробарга ошганини англатади.
Маълумотларга кўра, 1991 йилда ЯИМ 61,5 млрд рублни ташкил этган бўлса, 1995 йилга келиб у 302,8 млрд сўмга етган. Кейинги йилларда кўрсаткич босқичма-босқич ўсиб борган.
2000 йилда 3 трлн 256 млрд сўм, 2005 йилда 15 трлн 923 млрд сўм ва 2010 йилда 88 трлн 102 млрд сўмлик кўрсаткич қайд этилган.
Сўнгги йилларда ўсиш янада тезлашган. Хусусан, 2020 йилда 705 трлн 077 млрд сўм бўлган ЯИМ 2025 йилга келиб 1 квдрлн 849 трлн 650 млрд сўмга етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter