Амирсой ва Билдирсой йўлида бир томонлама ҳаракат ташкил этилди
Янги йил байрами муносабати билан Бўстонлиқ туманининг тоғли ҳудудларида (Амирсой, Чимён, Билдирсой) тирбандликларнинг олдини олиш мақсадида бир томонлама ҳаракат жорий этилди.
ИИВ ЙҲХХ хабарига кўра, чекловлар қуйидагича белгиланган:
- Йўналиш: 4Р6 «Тошкент—Чирчиқ—Чимён» йўлининг 57-километридан 92-километригача (4Р10 йўли билан туташган жойгача).
- Чоралар: Йўлнинг бошланиш ва тугаш қисмларида тегишли кўрсаткич белгилари, кириш тақиқланган жойларда эса «Тўхташ тақиқланган» (3.1) белгиси ўрнатилган.
Ҳайдовчилардан йўл ҳаракати қоидаларига риоя қилиш ва тартибга солувчи ходимларнинг кўрсатмаларига амал қилиш сўралади.
“Барча ҳаракат иштирокчилардан ушбу чора-тадбирларни тўғри тушунган ҳолда, тартибга солувчилар, яъни йўл патрул хизмати инспекторларининг ишораларига, йўл белги ва чизиқлар талабларига риоя этишларини, эҳтиёткорлик билан ҳаракатланишларини ҳамда йўл ҳаракати қоидаларига амал қилишларини сўраймиз”, дейилади хабарда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter