Актриса Аида Юнусова 70 ёшда
Аида Юнусова фильмлардан бирида.
Таниқли актриса, Ўзбекистонда хизмат кўрсатган артист Аида Юнусова 70 ёшга тўлди.
Аида Юнусова 1948 йилда Фарғонанинг Марғилон шаҳрида туғилган. 1970 йили театр ва рассомчилик институтининг драма театри ва кино факультетини тамомлаган. Талабалигининг охирги курсида режиссёрлар эътиборига тушиб, кинога таклиф қилинган.
Узоқ вақт давомида турли роллар ижро этди. Жумладан, «Ажойиб хаёлпараст», «Чинор остидаги дуэль», «Оловли йўллар», «Олтин куз», «Меҳригиё», «Зулматни тарк этиб», «Карвон», «Анор», «Биринчи йўловчилар» картиналарида қатнашди.
Актриса сифатида 1989 йилгача «Ўзбекфильм»да фаолият кўрсатди. Шундан сўнг кинони тарк этди. Маълум танаффусдан сўнг яна кинога қайтди ва экранда кўрина бошлади.
Аида Юнусова яқинда оғир хасталикни бошдан кечирганди. Айни дамда унинг соғлиғи анча тикланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter