Apple Siri’ни кучайтириш учун Gemini’дан фойдаланиши мумкин
Bloomberg’нинг хабар беришича, Apple компанияси Google билан музокара олиб бормоқда. Суҳбатлар Siri овозли ёрдамчисининг янги авлодини яратиш ҳақида бўлиб, унда Google’нинг Gemini сунъий интеллект модели қўлланилиши мумкин.
Маълумотларга кўра, Apple Google’дан махсус Siri учун мослаштирилган индивидуал модел ишлаб чиқишни сўраган. Бу модель Apple’нинг серверларида ишлайди.
Ҳозирча компания якуний қарорга келмаган: Siri’ни ўзининг ички моделлари асосида ривожлантирадими ёки Google билан ҳамкорлик қиладими – номаълум.
Аввалроқ Apple сунъий интеллект соҳасидаги бошқа етакчи компаниялар — Anthropic ва OpenAI билан ҳам мулоқот қилган эди. Унда Claude ёки ChatGPT моделларини Siri’нинг «асосий мияси» сифатида қўллаш имкониятлари муҳокама қилинган.
Агар келишув амалга ошса, Siri 2026 йилдан бошлаб тубдан янгиланиши кутилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter