АҚШ ҳукумати тижорат юк машиналари ва олис йўналишга қатновчи хорижлик ҳайдовчиларга ишчи визаларини беришни тўхтатди.

«Тижорат юк машиналари ҳайдовчиларига ишчи визалар беришни дарҳол тўхтатамиз. АҚШ йўлларида катта тиркамали юк машиналарини бошқараётган хорижлик ҳайдовчилар сони ортиб бораётгани америкаликлар ҳаётини хавф остига қўймоқда», — деб ёзди Қўшма Штатлар давлат котиби Марко Рубио X ижтимоий тармоғидаги саҳифасида.

Қолаверса, чет элдан борган ҳайдовчилар америкалик ҳамкасбларининг «нонини яримта қилаётгани»ни ҳам Рубио қўшимча қилган.

Effective immediately we are pausing all issuance of worker visas for commercial truck drivers.

The increasing number of foreign drivers operating large tractor-trailer trucks on U.S. roads is endangering American lives and undercutting the livelihoods of American truckers.

— Secretary Marco Rubio (@SecRubio) August 21, 2025

АҚШ президенти Доналд Трамп шу йил апрелида узоқ йўналишга қатновчи юк машиналари ҳайдовчиларидан инглиз тилини билиш талаб қилинувчи фармонга имзо чеккан эди. Янги фармонга кўра, иш берувчиларга инглиз тилини билмайдиган ҳайдовчиларни ишдан бўшатиш талаби қўйилган.