Бензин, газда юрадиган машиналарни сотиш тақиқланадими?
Буюк Британия ҳукумати қазилма ёқилғида ишлайдиган янги автоуловларнинг сотилишига бўлган тақиқни ўн йил олдин жорий этмоқчи: 2040 йилдан эмас, 2030 йилдан тоза энергетикага ўтиш режалари кўзда тутилган. Бу ҳақда «The Guardian» хабар берди.
Ушбу чора Бирлашган Қироллик йўлларида электромобилларнинг тарқалишини тезлаштиради. Автоуловларда ички ёниш двигателларини йўқ қилиш бўйича янги «йўл харитаси» сентябрь ойи охирида эълон қилиниши кутилаётганди. Манбага кўра, бу сал кейинроққа, 2020 йилнинг охирига қолдирилди. Чунки ҳукумат ҳозир коронавирус билан касалланганлар сони кўпайишига қарши кураш билан банд.
2025 йилда Норвегия анъанавий ёқилғи ҳисобига ҳаракатланадиган янги автомобилларни сотиш ман этилган биринчи мамлакатга айланади. Германия, Ирландия ва Нидерландияда бу тақиқ 2030 йилда жорий этилади. Францияда экологик тоза автомобиллар 2040 йилга келиб рақобатсиз бўлиб қолади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter