Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Эрон яширин қурол билан АҚШ кемаларини чўктирмоқчи

Эрон яширин қурол билан АҚШ кемаларини чўктирмоқчи

Фото: «РИА Новости»

Ислом инқилобини ҳимоя қилиш корпуси қўмондони маслаҳатчиси Муртазо Қурбоний Эронда яширин қурол борлигини айтиб ўтди. Унинг таъкидлашича, АҚШ кемаларини йўқ қилишда ушбу қуролдан фойдаланиш мумкин.

Қурбоний АҚШ провокациясига Эрон армияси «бутун қудрати» билан жавоб қайтаришини маълум қилган. «Уруш бошланган тақдирда биз уларга қарши яширин қуролимизни ишга солишимиз ва иккита авиаташувчисини самолётлари ва экипажи билан бирга чўктириб юборишимиз мумкин», — дейди Муртазо Қурбоний.

Эслатиб ўтамиз, бироз вақт муқаддам АҚШ президенти Доналд Трамп Яқин Шарққа 1,5 минг ҳарбий жўнатишини айтган эди. 15 май санасида эса Эрон ҳукумати ядро дастури бўйича баъзи мажбуриятларни бажаришни тўхтатган.

Эрон ва АҚШ ўртасидаги муносабатлар ўтган йили кескинлашиб кетди. Бунга АҚШ 2015 йилда имзоланган ядро келишувидан бир томонлама чиққани ва Эронга қарши санкциялар кучайтирилгани сабаб бўлган.

АҚШнинг Эронга қарши янги санкциялари ноябр ойида кучга кирди. Унга кўра нефт экспорти, савдо ва Эрон марказий банкининг доллар билан боғлиқ амалиётлари чекланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг