Глобал исиш ва абадий музликларнинг эриши номаълум вирусларнинг пайдо бўлишига олиб келиши мумкин. Бу эса инсониятга олдиндан айтиб бўлмайдиган оқибатлар билан таҳдид қилиши мумкин. Нобел мукофоти совриндори Рае Квон Чунг бу ҳақда РИА «Новости» нашрига берган интервьюсида маълум қилди. 

Нобел мукофоти совриндори Рае Квон Чунг музлик вируслари таҳдиди ҳақида огоҳлантирди. 

«Менимча, биз қандай вируслар борлигини ҳам билмаймиз. Куйдирги билан боғлиқ вазият шунчаки битта мисол, аммо бундан ҳам ёмонроқ бўлиши мумкин», деб тушунтирди олим. 

Унинг сўзларига кўра, бу вирусларни Шимолий Россия, Канада ва Гренландия музликларида топиш мумкин. 

Илмий маълумотлар юзлаб вирусларнинг тарқалиши эҳтимолини тасдиқлайди, уларнинг баъзилари одамлар учун хавф туғдириши мумкин. Чунг бир неча йил олдин нашр этилган илмий ҳисоботга ишора қилиб, тундрада абадий музликларнинг эриши натижасида юзлаб вируслар тарқалиши мумкинлигини, уларнинг баъзилари эса инсоният учун жиддий таҳдид эканлигини аниқлади.