Америка Қўшма Штатлари 1776 йил 4 июлда мустақилликка эришган. Биринчи президенти номи 1789 йилда расман эълон қилинган. Ҳозиргача АҚШни жами 45 нафар президент бошқарган.

Мамлакатнинг энг ёш сайланган раҳбари сифатида 43 ёшли Жон Кеннеди тарихда қолган. Энг ёши каттаси — Роналд Рейган. У 69 ёшида сайланган. Франклин Рузвельт энг кўп президентликка сайланган (тўрт мартта) шахс саналади. Мамлакатни энг қисқа муддат бошқарган Уилям Генри Харрисон эди. У бир ойлик бошқарувдан кейин пневмониядан вафот этган.

Ҳалигача бирорта аёл киши АҚШ президентлигига сайланмаган. Ҳозирда АҚШда навбатдаги президентлик сайловлари бўлиб ўтяпти. Хабарингиз бор, бу курашда амалдаги президентга Жо Байден рақиблик қилмоқда.

Америка Қўшма Штатлари президентларининг солномаси:

1. Жорж Вашингтон (1789-97): Жорж Вашингтон таниқли тарихий шахс ва мустақиллик ғалабасида қитъа армиясини бошқарганидан кейин АҚШнинг биринчи президенти бўлган. (Партиясиз).
2. Жон Адамс (1797-1801): Жон Адамс АҚШнинг иккинчи президенти бўлишдан олдин Вашингтонда вице-президент лавозимида бўлган. Кейинчалик унинг ўғли Жон Квинси Адамс ҳам президент бўлган. (Федералчи).
3. Томас Жефферсон (1801-09): Америка Қўшма Штатларининг учинчи президенти. Жефферсон Луизианани Наполиондан 15 млн долларга сотиб олган. У икки муддат президент бўлиб ишлаган. (Демократик-республикачи).
4. Жеймс Мэдисон (1809-17): АҚШнинг тўртинчи президенти эди. Уни кўпинча Конституциянинг отаси деб аташади. (Демократик-республикачи).
5. Жеймс Монро (1817-25). (Демократик-республикачи).
6. Жон Квинси Адамс (1825-29): Қўшма Штатларнинг олтинчи президенти бўлган. Жон Адамснинг ўғли. (Демократик-республикачи ва Миллий республикачи).
7. Эндрю Жексон (1829-37): Шимолий Америка ҳиндулари билан муомаласи ва қуллик тарафдори бўлганлиги ҳақидаги танқидларга қарамай, унга демократиянинг буюк ҳимоячиси сифатида қаралади. Эндрю Жексон қийин даврда Американи бирлаштирган. (Демократ).
8. Мартин Ван Бюрен (1837-41). (Демократ).
9. Уильям Гаррисон (1841). (Виглар партияси).
10. Жон Тайлер (1841-45). (Виг).
11. Жеймс Нокс Полк (1845-49). (Демократ).
12. Закари Тейлор (1849-50). (Виг).
13. Миллард Филлмор (1850-53). (Виг).
14. Франклин Пирс (1853-57). (Демократ).
15. Жеймс Бьюкенен (1857-61). (Демократ).
16. Авраам Линкольн (1861-65): Халқни энг машаққатли давр — Фуқаролар уруши даврида бошқарган. Таниқли давлат арбоби ва нотиқ. У мамлакат тарихидаги энг машҳур президентлардан бири. Линкольн 1865 йили Жон Уилкес Бут томонидан ўлдирилган. (Республикачи ва Миллий Иттифоқчи).
17. Эндрю Жонсон (1865-69): Америка Қўшма Штатларининг 17-президенти бўлиб, 1808 йилда туғилган. Линкольн отиб ўлдирилганидан сўнг у президентлик лавозимини эгаллаган. (Миллий Иттифоқчи ва Демократ).
18. Улисс Грант (1869-77). (Республикачи).
19. Ратерфорд Хейс (1877-1881). (Республикачи).
20. Жеймс Гарфилд (1881). (Республикачи).
21. Честер Артур (1881-85). (Республикачи).
22. Гровер Кливленд (1885-89). (Демократ).
23. Бенджамин Гаррисон (1889-93) (Республикачи).
24. Гровер Кливленд (1893-97). (Демократ).
25. Уильям Мак-Кинли (1897-1901). (Республикачи).
26. Теодор Рузвельт (1901-09): АҚШнинг 26-президенти эди. У «Square Deal»даги фаолияти, атроф-муҳитни муҳофаза қилиш лойиҳалари ва учинчи сиёсий орган — «Progressive Party»ни яратиш орқали прогрессив ҳаракатга раҳбарлик қилгани билан танилган. (Республикачи).
27. Уильям Тафт (1909-13). (Республикачи).
28. Вудро Вильсон (1913-21): Биринчи Жаҳон уруши даврида мамлакатни бошқарган ва бугунги Бирлашган Миллатлар Ташкилотининг асоси бўлган Миллатлар Лигасини яратишда муҳим рол ўйнаган. (Демократ).
29. Уоррен Гардинг (1921-23). (Республикачи).
30. Калвин Кулидж (1923-29). (Республикачи).
31. Герберт Гувер (1929-33): Америка Қўшма Штатларининг 31-президенти эди. Президент бўлишидан олдин у озиқ-овқат маъмуриятининг раҳбари бўлган. У 1929 йилдаги Буюк фонд бозори қулаши пайтида мамлакатни бошқарган. (Республикачи).
32. Франклин Рузвельт (1933-45): Гарвард битирувчиси. У АҚШ президенти бўлишидан олдин денгиз флотининг котиби ва Нью-Йорк губернатори бўлиб ишлаган. (Демократ).
33. Гарри Трумэн (1945-53): Рузвельт вафот этганидан сўнг АҚШ президенти бўлди. У Япония устига атом бомбасини ташлашга буйруқ берган. (Демократ).
34. Дуайт Эйзенхауэр (1953-61): Рузвельт даврида Европада Иттифоқнинг Олий қўмондони даражасигача кўтарилди. У Иккинчи жаҳон урушида Германияга қарши кўплаб стратегиялар қўллагани билан муваффақият қозонган. (Республикачи).
35. Жон Кеннеди (1961-63): Эҳтимол АҚШнинг энг таниқли президентларидан бири. 1963 йил 22 ноябрда отиб ўлдирилган. (Демократ).
36. Линдон Жонсон (1963-69): АҚШнинг 36-президенти бўлган ва 1963 йилда Кеннеди ўлдирилганидан кейин ўз муддатини бошлаган. (Демократ).
37. Ричард Никсон (1969-74): У кўплаб муҳим ва керакли ўзгаришларни амалга оширган бўлса-да, асосан Вотергейт можароси билан таниқли. (Республикачи).
38. Жеральд Форд (1974-77). (Республикачи).
39. Жимми Картер (1977-81). (Демократ).
40. Рональд Рейган (1981-89): Кетма-кет икки марта АҚШ президенти лавозимига сайланишидан олдин таниқли актёр бўлган. Рональд Рейган «самовий уришлар отаси» номини ҳам олган. (Республикачи).
41. Жорж Герберт Уокер Буш (1989-93): АҚШнинг 41-президенти. Катта Буш номи билан машҳур. (Республикачи).
42. Билл Клинтон (1993-2001): Икки муддатга сайланган. Унинг рафиқаси Ҳиллари Клинтон ҳам таниқли сиёсий арбоб саналади. (Демократ).
43. Жорж Уокер Буш (2001-09): Кичик Жорж Буш номи билан танилган. (Республикачи).
44. Барак Обама (2009-2016): Мамлакат тарихидаги қора танли ягона давлат раҳбари. Унинг даврида Сурия уруши бошланган. (Демократ).
45. Дональд Трамп (2016-): Американинг энг характерли президентларидан бири. Трамп даври якуни (иккинчи муддатга сайланиши учун бугунги сайловларжа ғалаба қозониши керак) коронавирус пандемиясига тўғри келмоқда. (Республикачи).