Камбоджа шаҳзодаси йўл-транспорт ҳодисасида яраланди
Камбоджа шаҳзодаси Нородом Ранариддҳ ва турмуш ўртоғи Оук Пҳалла йўл-транспорт ҳодисасига учраб, яраланди. Бу ҳақда «Sabah» хабар бермоқда.
Сиҳаноуквилле шаҳри ички ишлар бўлими бошлиғи Чуон Нариннинг маълум қилишича, шаҳзода Нородом Ранариддҳ кетаётган машинага такси келиб урилган. Воқеа оқибатида 5 киши яраланган. Шаҳзода ва турмуш ўртоғи шифохонага ётқизилган. Уларнинг аҳволи оғир экани айтилмоқда.
«Funcinpec» партияси етакчиси бўлган шаҳзода Нородом Ранариддҳ ва унинг турмуш ўртоғи бугун кун давомида вертолёт билан пойтахт Пномпен шаҳрига олиб кетилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter