Нобел лауреати Дэвид Балтимор 87 ёшида вафот этди, деб хабар берди The New York Times.

Балтимор 1938 йили Ню-Йоркда яҳудий оиласида туғилган. Унинг ота-онаси Россия империясидан кўчиб келган муҳожирлар эди.

Дэвид Балтимор Суортмор-коллежни битирган, Массачусетс технология институти ва Рокфеллер университетида молекуляр биология ва вирусологи бўйича таҳсил олган. Кейинроқ фалсафа бўйича доктор даражасини олган.

XX аср молекуляр биологияси ва генетикасининг энг катта ютуқларидан бири айнан Дэвид Балтиморга тегишли: у генетик маълумот ташувчиси нафақат ДНК молекуласи, балки РНК молекуласи ҳам бўлишини, ҳужайралардаги маълумот нафақат ДНКдан РНКга, балки аксинча ҳам бўлиши мумкинлигини исботлаб берган. Энг муҳими, бу жараённи орқага қайтарадиган транскриптаза деб аталадиган вирус ферментининг топилиши бўлди.

Ушбу кашфиёт ретровируслар ва вируслар, шу жумладан, ушбу ферментдан фойдаланадиган ОИВни тушунишга олиб келди. Дезактивацияланган ретровируслар ёрдамида ген терапияси генетик касалликларни тузатиш учун беморларнинг ДНКсига фойдали генларни жойлаштириш учун ишлатилади.

Дэвид Балтимор 1975 йилда 37 ёшида ушбу кашфиётни қилган ва физиология ва тиббиёт йўналишида Нобел мукофотига лойиқ топилган.

У умри давомида Нобелдан ташқари ҳам кўплаб, жумладан, АҚШ миллий илмий медали, Гайрднер халқаро мукофотига сазовор бўлган.