АҚШ президенти Доналд Трамп Эронга зарба бериш ниятида эмас, деб хабар берди Axios АҚШ маъмурияти расмийларига асосланиб. 

Нашр манбаларидан бирининг сўзларига кўра, Доналд Трамп ҳозирда Эрон ядровий дастурини бевосита таҳдид деб ҳисобламайди. Бир нечта президент маслаҳатчилари ҳарбий сценарийни бошлаш хато бўлишини ҳисоблашади ва жаноб Трампнинг яқин доираларида бундай шубҳа кенг тарқалганлигини таъкидлашади. Бошқа бир манбанинг таъкидлашича, Эронга зарба бериш АҚШнинг асосий ташқи сиёсат мақсадларига путур етказади. 

Эрон ўз навбатида АҚШ кун тартибидаги бошқа бандларни ҳисобга олмаганда, фақат ядровий масала бўйича муҳокама қилишга тайёрлигини билдирди. Axiosʼнинг сўзларига кўра, икки томоннинг позициялари турлича бўлиб қолмоқда. Воситачи давлатлардан бирининг вакили Теҳрондан аниқ таклифларнинг йўқлиги унинг мавқеини сезиларли даражада ёмонлаштириши мумкинлиги ҳақида огоҳлантирди. 

Axios шунингдек, Исроил Эронга мумкин бўлган зарба беришдан манфаатдор эканлигини хабар қилмоқда. Сўнгги кунларда Исроил ҳарбий ва разведка ходимлари, жумладан, штаб бошлиғи Эял Замир Вашингтонга ташриф буюришди, у штаб бошлиғи Ден Кейнга фавқулодда режаларни тақдим этди. 

Эрон президенти Масуд Пезешкиан бугун Теҳрон Вашингтон билан музокараларга тайёр эканлигини билдирди. Унинг таъкидлашича, бундай мулоқот фақат мамлакат миллий манфаатларига қатъий риоя қилинган тақдирдагина мумкин.