Путин коронавирусга қарши эмлангач у ерга боришга ваъда берди
Россия президенти Владимир Путин COVID-19га қарши эмлангандан сўнг Корея Республикасига боришга тайёрлигини билдирди, дея хабар берди Жанубий Корея президенти маъмурияти.
Администрациянинг маълум қилишича, Путин кореялик ҳамкасби Мун Чжэ Ин билан мамлакатлар ўртасидаги дипломатик алоқалар ўрнатилганига 30 йил тўлиши муносабати билан телефонда суҳбатлашган.
«Мен Жанубий Кореяга бораман... Россия вакцинасини шахсан қабул қилгач, бораман», — дея РФ президентининг сўзларини келтирган матбуот хизмати. Мун Чжэ Ин COVID-19 билан боғлиқ вазият барқарорлашгач, иккитомонлама муносабатларни ривожлантиришни муҳокама қилиш учун Россия раҳбарини Сеулга таклиф қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter