Путин Трамп билан яна учрашишга тайёр
Россия Федерацияси президенти Владимир Путин америкалик ҳамкасбини Москвага таклиф қилганини, шу билан бирга, ўзи ҳам Трамп билан учрашиш учун Вашингтонга боришга тайёрлигини айтди, дея хабар беради «РИА Новости».
«Учрашувга келсак, мен Трамп нима деганини яхши тушунаман. У кейинги учрашувларни ўтказишни истайди. Мен бунга тайёрман. Лекин улар келишилган баъзи шароитларни яратиши керак. Биз президент Трампни Москва шаҳрига таклиф қилишга тайёрмиз. Унинг бу ҳақда хабари бор. Мен унга айтганман», – деган Путин ЖАРда БРИКС саммити якунларига бағишлаб ўтказилган матбуот анжуманида.
Россия раҳбари Вашингтонда Трамп билан учрашишга тайёрлигини таъкидлади.
«Мен Вашингтонга боришга тайёрман. Яна такрор айтаман, агар у ерда ишлаш учун барча шароитлар яратилган бўлса», – деган Путин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter