Қашқадарёда 9 ёшли қизни «Камаз» босиб кетди
Қашқадарё вилоятининг Қамаши тумани ҳудудида пиёдалар йўлакчасидан ўтаётган 9 ёшли қизни «Камаз» босиб кетган. Бу ҳақда вилоят ИИБ ахборот хизмати хабар берди.
Қайд этилишича, ҳодиса 2022 йил 22 ноябр куни соат 12:30ларда А-378 «Самарқанд-Ғузор» автомобил йўлининг «Узун» МФЙ ҳудудидан ўтган 124-километрида содир бўлган.
Ҳайдовчи Н.Б. юк машинасини Ғузор тумани томон бошқариб кетаётиб, пиёдалар йўлакчасидан ўтаётган Қамаши тумани «Узун» МФЙда яшовчи вояга етмаган Қ.С.ни босиб кетган. Оқибатда 9 ёшли қиз воқеа жойида ҳалок бўлган.
Ҳодиса юзасидан Қамаши туман ИИБ тергов бўлими томонидан Жиноят кодексининг 266-моддаси 2-қисми билан жиноят иши қўзғатилган. Ҳайдовчи Жиноят процессуал кодексининг 221-моддаси тартибида ушланган.
Жиноят ишлари бўйича Қамаши туман судининг ажримига асосан ҳайдовчи қамоққа олинган. Ҳозирда дастлабки тергов ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter