АҚШда ишлаётган, асли Хўжайли туманидан бўлган ҳамюртимиз Фахриддин Пирлепесов Қорақалпоқ давлат университетига таклиф қилинганлиги ҳақида аввал хабар бериб ўтган эдик,-  деб ёзади kruz.uz.

Фахриддин Пирлепесов Қорақалпоғистон Республикаси Хўжайли туманида туғилган. 1989-1994 йиллар давомида Низомий номидаги Тошкент давлат педагогика институти физика-математика факультетининг «Физика ва астрономия фани ўқитувчиси» таълим йўналишида, 1996-1998 йиллари Ўзбекистон Республикаси Фанлар академиясининг Ядро институтида аспирантурада ўқиган.

Ўз устида тинимсиз ишлаб, инглиз тилини мукаммал даражада ўзлаштиради ва 1998 йили АҚШдаги Техас университетининг Физика факультетига ишга чақирилди.

У 2005 йили ўзининг кўп йиллик илмий ишлари натижасида «PHD» илмий даражасига эришди. Шундан кейин у Техас университети неврология факультетининг «TRAVEL» мукофотига сазовор бўлди. Шунингдек, Тиббиётдаги физикларнинг Америка ассоциацияси, «Sigma Xi», илмий кузатиш Америка физиклари уюшмаси, Америка статистика ассоциациясининг аъзоси ҳисобланади, дея хабар беради karsu.uz.