Санэпидқўмита нипах вируси бўйича баёнот берди
Нипах вируси Ўзбекистонда қайд этилмаган. Бу ҳақда Санэпидқўмита маълумот берди.
Нипах — ҳайвонлардан инсонга юқадиган хавфли вирус бўлиб, кўршапалаклар орқали, шунингдек ифлосланган озиқ-овқат ва инсондан инсонга юқиши мумкин. Сўнгги йилларда вирус ҳолатлари асосан Ҳиндистон ва Жанубий-Шарқий Осиё давлатларида кузатилмоқда.
Таъкидланишича, Ўзбекистонда ушбу вирус билан боғлиқ эпидемиологик вазият барқарор, ушбу касалликни мамлакатимизга кириб келиш эҳтимол жуда паст.
Ҳиндистонга сафар режалаштираётганлар учун тавсиялар:
- шахсий гигиенага риоя қилиш;
- қўлларни совун билан тез-тез ювиш;
- антисептик воситалардан фойдаланиш;
- мева-сабзавотларни яхшилаб ювиш;
- текширилмаган сувни ичмаслик;
- кўршапалак тишлаган ёки шикастланган меваларни истеъмол қилмаслик.
Агар иситма, кучли бош оғриғи ёки бошқа аломатлар пайдо бўлса, дарҳол шифокорга мурожаат қилинг.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter