«Севиля» спорт директори Куман ва Мессидан кечирим сўради
Рамон Мончи.
«Севиля» спорт директори Рамон Мончи «Барселона» бош мураббийи Роналд Куман ҳамда форварди Лионел Мессидан кечирим сўради, ёзмоқда «Mundo Deportivo».
Мончи Испания кубоги 1/2 финали жавоб учрашувида ўзи «нолувчи» деб атаган Кумандан ҳамда Мессидан ҳам кечирим сўради. Мураббий ва ҳужумчи унинг кечиримини қабул қилишган.
1/2 финал жавоб ўйинида «Барселона» «Севиля»ни мағлуб этганидан сўнг (3:0, биринчи ўйин — 0:2) трибуна ости йўлагида Месси Мончи ҳамда «Севиля» президенти Пепе Кастро билан жанжаллашиб қолганди.
Кийим алмаштириш хонасига йўл олган раҳбарлар Мессини: «Сизлар доим бир хилда ютасизлар», дея қарши олиб, ҳакамлар каталонияларга ён босишганига шама қилишган. Месси эса уларга: «Сиз уйингизга қайтасиз», деб жавоб қайтарганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter