«Ювентус» Андреа Пирло билан хайрлашди
Туриннинг «Ювентус» клуби бош мураббий Андреа Пирлони истеъфога чиқарди. Бу ҳақда клуб расмий сайти хабар бермоқда.
Андреа Пирло «Ювентус»нинг собиқ футболчиси ҳисобланади. У 2020-2021 йилги мавсумда жамоани бошқарди, Италия суперкубоги ва Италия кубоги қўлга киритди. Шунга қарамай, А сериядаги омадсизлик сабаб Пирло клуб билан фаолиятини тўхтатди.
«Маэстро, кўрсатган жасорати, фидойилиги ва иштиёқи учун миннатдормиз. Келажакдаги ишларида омад тилаймиз»,— дейилади хабар сўнггида.
Инсайдерларга кўра, Массимилиано Аллегри Пирлонинг ўрнини эгаллаши аниқ бўлиб улгурган. Расмий хабар тез орада эълон қилинади.
Эслатиб ўтамиз, Европанинг яна гранд жамоаси «Реал» мураббийи Зинедин Зидан ҳам ишдан кетганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter