Зеленский россиялик аскарларга: «Сизни алдашмоқда...»
Украина президенти Владимир Зеленский навбатдаги видеомурожаатини россиялик аскарларга йўллади.
Зеленскийнинг айтишича, Россия раҳбарияти яқин орада яна кўплаб аскарларга жангга ташлаб, уларни том маънода ўлимга юборишга қарор қилган.
«Март-апрел ойларида шахсий таркиби деярли бутунлай йўқ қилинган ёки сезиларли даражада заифлашган бўлинмаларга янги одамлар жалб қилинмоқда. Ёмон мотивация билан. Паст жанговар тажриба билан. Россия қўмондонлиги яқин ҳафталарда яна минглаб рус аскари ҳалок бўлишини ва минглаб ярадор бўлишини яхши билади», дейилади президент мурожаатида.
Зеленский аскарларга Украина заминида ҳалок бўлгандан кўра Россияда тинч ҳаёт кечиришни маслаҳат берган.
Эслатиб ўтамиз, Украина расмийлари уруш бошидан бери 20 мингдан зиёд рус аскари ҳалок бўлганини айтган бўлса, Россия томони эса анча кам миқдорни кўрсатган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter