Технология олами доимо ҳаракатда, бироқ Apple экотизимидаги сўнгги маълумотлар ҳатто энг тажрибали таҳлилчиларни ҳам ҳайратда қолдирмоқда. Ижтимоий тармоқларда пайдо бўлган сўнгги рендер ва суратларга кўра, оддий ва ҳамёнбоп сегмент ҳисобланган базавий iPhone 18 моделлари ўзининг қимматбаҳо "Pro" акаларига ҳар қачонгидагидан ҳам кўпроқ ўхшар эмиш.

​Тарқалган суратларда биринчи навбатда кўзга ташланадиган жиҳат қурилманинг корпус текстураси. Шу пайтгача Apple базавий моделларда оддийроқ шиша ва алюминий рамкадан фойдаланиб келган бўлса, iPhone 18да вазият бутунлай бошқача!

Тахминларга кўра, базавий модел Pro сериясига хос бўлган, бармоқ изларини қолдирмайдиган ва анча қимма тузилишга эга бўлган титан ёки махсус ишлов берилган шиша панелга эга бўлади.

Корпус қирраларининг янада силлиқлашгани ва Pro моделларининг визуал жозибасини ўзлаштиргани смартфонни премиум сегментга яқинлаштиради.

​Суратлардаги энг катта шов-шувга сабаб бўлган элемент камера блокида LiDAR (Light Detection and Ranging) датчигининг пайдо бўлишидир.

Бу датчик объектларгача бўлган масофани лазер нурлари ёрдамида аниқ ўлчайди. Шу пайтгача у фақат Pro ва Pro Max моделларида тунги портретларни яхшилаш ҳамда VR технологиялари учун қўлланиб келинаётган эди.

​Агар ушбу инсайд ўзини оқласа, базавий iPhone 18 фойдаланувчилари ҳам тунда ҳам профессионал даражадаги суратларни олиш имкониятига эга бўладилар.

​Экспертларнинг фикрича, базавий ва Pro моделлар ўртасидаги чегарани бундай қисқартириш ортида бир нечта стратегик сабаблар ётибди.

Жумладан, Android флагманлари ҳамёнбоп нархларда ҳам премиум функцияларни тақдим этмоқда. Apple ҳам ўз позициясини сақлаб қолиши керак.

Келажакда сунъий интеллект ва VR функциялари ҳар бир смартфонда бўлиши шарт. LiDAR эса бу технологияларнинг кўзи ҳисобланади.

Apple одатда ўзининг кузги тақдимотларида янги маҳсулотларни кўрсатади. Бироқ, инсайдерларнинг таъкидлашича, ушбу дизайн концепцияси ва унинг реал ҳаётга қай даражада кўчганини расман 2027 йилнинг баҳорида аниқ билиб олишимиз мумкин.