YouTube сунъий интеллектга қарши «тозалаш» бошлади
YouTube сунъий интеллект ёрдамида яратилган паст сифатли контентни ўчиришни бошлади. Платформадаги иккита йирик канал айнан шу сабаб билан йўқолди, деб хабар берди The Verge.
Видеоларни монтаж қилиш хизмати — Kapwing ҳисоботига кўра, YouTube 5,9 миллион обуначига эга CuentosFacianantes каналини ўчириб юборган. Ушбу каналдаги видеоларнинг умумий кўрилишлар сони 1,2 миллиардга етган эди. Шунингдек, 5,8 миллиондан ортиқ аудиторияга эга Imperio de Jesus канали ҳам энди платформада мавжуд эмас.
Каналларни тозалаш жараёни YouTube бош директори Нил Моҳан сифатсиз СИ-контент кўпайиб кетганидан хавотир билдирганидан сўнг фаоллашди. У фойдаланувчиларга йўллаган мурожаатида видеохостинг СИ-слоп (сунъий интеллектда тайёрланган сифатсиз ва мазмунсиз рақамли контент) тарқалишини камайтириш ҳамда спам ва кликбейтга қарши курашиш тизимларини такомиллаштиришга ваъда берган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter